منتديات نادي السيارات

يعد هذا الموقع احد اكثر المواقع تطورا على المستوى العربي في مجالي الرياضة و السيارات والمباريات وهو أحد مواقع شبكة منتديات مكتوب. ، انضم الآن و تابع جديد الرياضة حول العالم وشارك بأفكارك و آراءك. و جرب اجمل الألعاب الرياضية



+ الرد على الموضوع
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 43
Like Tree0Likes

الموضوع: من الافضل دودج تشارجر ام لومينا اس اس ؟؟

  1. #1
    عضو بقراطيس الوكالة الصورة الرمزية بومنعه
    تاريخ التسجيل
    May 2006
    المشاركات
    23




    من الافضل دودج تشارجر ام لومينا اس اس ؟؟

    السلام عليكم ورحمه الله وبركاته
    دودج تشارجر v8 لومينا اس اس
    ممكن يا شباب تعطوني نصيحه انا حاب اشتري سياره بس محتار بين ها السيارتين ابي منكم تعطوني الراي في استخدام وفي القوه والون والافضل من ناحيه المشاكل.....


    وشكراااا


  2. #2
    سلام اخوي
    شوف نصيحه محب
    ومن الاول انا اقولك معاي كامري عشان لاتقول معاه سياره ويبي يعجب الناس فيها
    =-=-=-
    اللومينا استرالي
    اوكي
    ويهربد بسرعه انا ما اقلك هلكلام من باب فلسفه ومن باب اني قريت بالمنتديات وجيت اتميلح عليك
    صحيح اني قريت بالمنتديات لاكن شايف بعيني
    عندي 3 من ربعي
    اثنين اخوان وواحد ولد عمهم
    كلهم بنفس الوقت طلعوا لومينا اس اس ونفس الون ونفس كل شي ماتفرق بينهم الا من اللوحات
    وربي كلهم يشتكون من الطبلون ما اقصد العداد اقصد الكبلون مله واكسيس واريز السياره يقولن
    كنك شاري مجسم سياره كلها من داخل بلاستيك وبريكاتها تجيب المرض
    وكلها من داخل اسود هاذي سياره بالله عليك
    والبنزيل تشررررررررررررررررررررررررررررررررررررررررررررررررررررررررررررررررررررررررر رررر
    رررررررررررررررررررررررررررررررررررررررررررررررررررررررررررررررر
    ررررررررررررررررررررررررررررررررررررررررررررررررررررررررررررررررررررررررررر رب شرب مو طبيعي
    كل 3 ايام يدزها ب 50 ريال بنزين
    هي صحيح تمشي معك اول سنه اوكي لاكن شوفها من بعد السنه وربي تعض اصابع الندم
    شوف ال اس اس 2004 و 2005
    اكثرها مهربده الا من رحم الله
    للي يحافض عليها وما يقاوم فيها ولا يفحط ولا يضغط عليها بالدعسه يعني مدللها
    معقوله معاك اس اس ولا تسوي ذا كله
    اول سنه بتستانس لاكن بعج السنه او سنتين بتقول ليتني وياليتني بتجرب ذل الوكاله او الضمان وبيلعبون بحسبتك وغيارها غااااااااالي وربي غااااالي
    هذا خويي مغير البريكات حق ال اس اس لانها مو قويه اصلا عشان كذا اذا دعس فيها يحتاج يضغط عليها كثير وبكذا قامت تتاكل وغيروله البريكات ب 850 بحب الخشوم
    في بريكات ب 850 بالله المرسيدس ب 900 وش فرقت وش جاب لجاب من استرالي لالماني
    انا ضربتلك هالمثل
    عشان تحس
    وبما ان البريكات شي تافه ولا يحتسب من السياره فما بالك اذا خرب القير وربي ياكثر ماتخرب قيور ال اس اس دايم وروح اسال اي واحد او اسال الورش
    لان مكينه ال اس اس قووووووووووووووويه والقير خفيف ينعدم بسرعه
    وتكليفته غاليه بس ما اذكرها كم
    =-=-=-=-
    اما الدوج بكل بساطه امريكي اصل جخ وكشخه وقوي ويميزه علامه الدوج اللي ولا عمره احد شرى دوج وشتكا منها
    لان الدوج مجنون قوي مره
    صحيح غياره غالي لاكن مو بسعر اللوميننا انزل منه بشوي
    لاكن اذا غيرته سعره فيه لانه يكرف من اللومينا التغير لازم يصير دوري فيها لان كل شي معفن بالماكينه ورديئ ويهربد
    وضمان الدوج 5 سنين مهما مشيت من كيلو ممترات
    ويعين بالعقل
    دوج جخ كشخه ولا فيه احد معاه مو زي اللومينا تلاقيها بين رجولك وانت تمشي
    ويكفي اذا صفطت الدوج برى البيت او بالقراج وكل شوي طال عليه ووجهها المعصب المرعب
    ياشيخ وربي فله لاتفوتك الدوج اذا انت فاهم علي


  3. #3
    الله يعطيك العافيه وماقصرت اخوي على نصيحتك والله انا سمعت نفس الكلام عن لومينا وحبيت اتاكد صراحه الحين انت حمستني على دودج .......


    شكرااا ياغالي


  4. #4


  5. #5
    هلا اخوي انا معي كابرس 2000 وتجربة من الواقع اقول لك صح انا معي السيارة لها الحين 7 سنين وماشية معي زي الحلاوة
    مع ان ال200 معروف انه هو الي يعتبر اتعب شي

    والحين اقول لك كل غلط يقولونه لك اعلله
    اول شي انا صح ان القير طاح علي مرة بس الوالد الله يهديه اخذ السيارة وبالغلط شال له بلكة من تحت وانكسر الجير بكس
    مع العلم اني راعي مقاومات وتزحيف وتفحيط
    والقير ما يطيح الا من سوء الاستخدام يعني مثلا انت ماشي 160 وهو على الدي ترده 3 والا انت تمشي 120 وترده على 2
    صح ان فيه واجد طاح عليهم قيور بس تراها من سوء الاستخدام
    مع ان القير بعد ضعيف شوي

    وثاني شي ومن اهم الاشياء الكابرس فيه مثبت سرعة اما التشراجر ما فيه مثبت سرعة

    ثالث شي الكابرس قطع غياره متوقره وعندك اي سي ديلكو منتشرة وين ما تروح تلقاها واسعارها مو غالية الا من الوكالة اما الدودج راح تنحاس بقطع الغيار

    وغير كذا الدودج توه جديد فما يمديك تحكم عليه من ناحية الخرابات واذا على القوة
    خش منتدى الفيديو والى الحين ما فيه الا قومة وحدة لتشارجر مع كابرس 2000 اس اس يعني اضعف من 2006 وراح عليه مدري مسك واياه لان التصوير ما كان واضح

    والبريكات انا الكابرس حقي البريك تممممااااااام وكم من مررة انقذني من مشاكل صح يقولون البريكات حقت 2004 ما كانت قوية بس الحين بريكات الومينا اس اس بريكات سبورت وانت روح وشوفها

    وبعدين الصرفية انا من النوع الي مشاوير كثر التراب
    والكابرس على حسب دعستك يعني انت تمشي شوي وما تدعس ما يصرف اما اذا انك ما غير تزرزر راح يصرف

    وانا والله العظيم فترة كنت ماخذ فان اهلي (تويوتا بريفيا <4 سلندر>) على مشاويري كنت اعبيه بنزين كل يومين
    والكابرس على نفس المشاوير اعبيها كل يومين


    وغير كذا مكينة ال اس 1 مكينة قوية ومعروفة بالقوة الجبارة

    وانا قلت لك الدودج توه جديد فما يمديك تحكم اما اللومينا الناس عرفت لها خلاص


    واخيرا وليس اخرا انت شوف معاملة الوكيل حق الدودج وشوف معاملة التوكيلات العاليمة (شفرولية)مو الجميح


  6. #6
    وثاني شي ومن اهم الاشياء الكابرس فيه مثبت سرعة اما التشراجر ما فيه مثبت سرعة
    شفيك مع مثبت السرعة ؟ ، ترا موجود و آنا متأكد

    آنا بقولك باختصار

    الجارجر الصراحة مب حق كل الناس

    الجارجر حق واحد يبي التميز ، و التميز فيه ايجابيات و سلبيات ، خلنا عن الإيجابيات ، سلبياته قطع الغيار أغلبها وكالة ، و إذا صارت لك مشكلة مع أحد ، السيارة معروفة في أي مكان يعني في الجامعة كمثال ما في غيرك و 3 مثلاً فسهل يصيدونك <<< Miami مب خليج

    المهم ، المكاين اثنينهم قواي ، تعديلات الكابريس أكثر ، الهيمي له سوبرتشارجر حق تعديل معروف

    صرفية الهيمي أفضل

    ثبات الهيمي أفضل بكثير ، بريكات اللومينا تعبانين باعتراف أصحاب الإس إس 2005

    شكل الهيمي مروع و خطير ، اللومينا صار شي عادي ، حجمه أصغر و خفيف

    الإستجابة مالت اللومينا أفضل نظراً لخفة وزنه ، الجارجر ثقيل ، لكنه إذا عطاك القوة يصير طيارة

    Gone and Forgotten !!
    General Rule #1

    You can talk about the past with minimal damage! Just don't talk about the present or future casue all hell will break loose!


  7. #7
    البيب بالاشاره يفخم
    وبعدين اخوي دكتور ريد
    انت معاك كابرس والكابرس اقوى شوي من اللومينا
    وبعدين التوكيلات وربي نصابين انا بقولك شي
    في على
    طريق الخبر الدمام اوكي التوكيلات
    في كابرس 2006 مدري اس اس او لا المهم انها كابرس اوكي
    واحد اعرفه يشتغل بالوكاله يقول هذي السياره مصقوعه ومعدله ومعروضه ولا احد يدري عنها
    يعني وانتوا بكرامه الحمار اللي بياخذها بيتعب منها
    قلناله شلون مصقوعه يقول اكثر (اكثر)السيارات اللي تجيبها بواخر التوكيلات
    مافيها امان عالسيارات يعني تتربط السيارات فوق الباخره لاكن مو بقوه وعزيم فيقول مع الموج تتزاحم السيارت وتضرب بعضها بعض
    وتجينا هنا في ناس حاجزينها كل يوم والثاني جايين سيارتي تاخرت سيارتي تاخر وهو ميدري انها ورى بالورشه تتصلح وهي جديده ياحرام ويقول اكثر السيارات كذا لان الشركه تتعامل مع بواخر رخيصه التكلفه
    ويقول في واحد اخذ كابرس وبعد اسبع جا يقول لما اعدي ال 120 اسمع اصوات بالباب الخلفي
    يقول قلتله والله مدري يمكن الباب يبيله وزنيه
    لاكن مايدري انها مصدومه وعيال الحرام باعوها له
    ويقول للحين وهو متوهق فيها يعني لاتتوهق وتاخذ منهم
    ويكفيك التشارجر لما تروحلهم يقلون لك مخلصه بعد اسبوعين بتجي دفعه دليل على ايش؟؟؟؟
    وسلامتكم
    وقولولي شرايكم؟


  8. #8


  9. #9
    عضو بقراطيس الوكالة
    تاريخ التسجيل
    May 2006
    المشاركات
    11


    مشكوررر الله يعطيك العافيه


  10. #10
    اقول اخوي برنسو
    مين قال لك ان الكابرس اقوى من اللومينا
    بالعكس فيه قومات واجد اللومينا راحت وكلهم نفس المكينة ونفس كل شيء بس الفرق بالبودي

    وبعدين بالله عليك كيف وكالة تجي تخلي سياراتها تتصدم وتعطيك اياها بالعقل
    وبعدين التوكيلات معروف انها من احسن الوكالات

    وبعدين انا اعرف ناس واجد ماخذين كوابرس ومستانسين
    وبعدين تبي تتاكد تكي عند المينا وشوف سيارات الكابرس واللومينا كيف تجي جديدة من المينا وتروح للوكالة

    وبعدين انا عمي شاري له كابرس قبل 3 شهور وما قعدت الا 5 ايام وجته

    وبعدين انت شوف كيف وكالة الدودج تنزل سياراتها من السطحات
    انا مررة كنت مع واحد عشان عندهم فان دودج خرب وجابوه بسطحة وقاموا دقوا ريوس واحلى دعسة وانحكت السيارة من الوجهية ومن الخلفية


    وبعدين ما دام سيارات الكابرس واللومينا مي زينه ليه الدوريات وارامكوا كل سيارتهم من هناك ؟؟


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

المواضيع المتشابهه

  1. هوندا تغيرت ملامحها الى لومينا كشف ( ادب )
    بواسطة لومينــSSــــا في المنتدى منتدى الفوتوشوب و غرافيك السيارات
    مشاركات: 11
    آخر مشاركة: 28-04-2008, 12:03 PM
  2. موضوع متكامل عن الـ " كابريس" والـ " لومينا "
    بواسطة monaro في المنتدى أرشيف منتدى السيارات الأمريكية
    مشاركات: 10
    آخر مشاركة: 28-04-2008, 12:02 PM
  3. شباب أنا أترجاكم تساعدوني ومن المختصين في ss لومينا
    بواسطة الأمير في المنتدى منتدى تعديل و تزويد السيارات
    مشاركات: 39
    آخر مشاركة: 20-07-2006, 04:33 PM
  4. نجوم هوليوود يتسابقون على اقتناء دودج تشارجر الجديدة
    بواسطة saymyname في المنتدى أرشيف منتدى السيارات الأمريكية
    مشاركات: 16
    آخر مشاركة: 09-07-2006, 12:22 PM
  5. وصول الدودج تشارجر الى السعودية والسعر!!!!!!!
    بواسطة 300C في المنتدى أرشيف منتدى السيارات الأمريكية
    مشاركات: 46
    آخر مشاركة: 15-12-2005, 03:36 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك