الموضوع: أسعار قطع غيار رينج روفر سبورت

عليكم ورحمة الله وبركاته



أهلاً وسهلاً



فجأة اليوم الصبحية كنت فاضي وشبعااان نوم وودي أطلع من البيت بس مدري وين أروح كل الشباب نايمين قلت يا ولد خل ندور لنا شغلة تقضي الوقت



وفجأة قلت خل أروح على المعارض لي حول سنة وأنا أدور على سيارة



فجأة وأنا رايح طرى في بالي وكالة الرنج



فجأة قلت خل أسألهم عن قطع غيار السبورت لأن كثير من الناس يقولون غالية بناءً على قول شخص



يقارن الرنج روفر الصناعة البريطانية بسيارة أخرى صناعة كورية واسترالية ويقول خل ندور الرخص



طب يا خوي خذ لك تاتا أن كان تبي رخيص











فجأة دخلت للوكالة



ولقيت السبورت <<< وترى لهاتي ما طاحت يوم شفته





فجأة جلست عند البياع وأسولف معه وقلت صحيح الي يقولون الناس عنكم؟



قال: أنت شف الأسعار وأحكم لكن ترى هي غالية



قلت زين عطنا الأسعار وأهم شيء الفحمات



فجأة لين الأسعر عندي وهذي هي عندكم:



الفحمات: الأمامي 390 والخلفي 305



طبعاً رحت لوكالة الشيروكي أبي قطعه منه لجيب أخوي لأني ماخذه لأن الوكالات لو يشوفني بالصابونه يشوتوني





فجأة يقول سعر الفحمات بـ 245 وإذا تبي النوع الأجود بـ 700 !!! خير خير يبو الشباب وين عايش فيه لو انه مايباخ يمكن



وسعر فحمات الاند كروزر 2008 بـ 256 أمامي وخلفي بـ 198

[ طبعاً كنت باخذ قائمة الأسعار بس يوم سألت عن الفحمات حق 2008 كلهم بققوا في صراحة ارتعت وقلت دام ذي طلعت منهم الحمد لله]





المهم فجأة نكمل معكم الرينج:



طبعاً السوبر شارجر والعادي كلهم يشتركون في نفس السعر إلا في أشياء ببينها لكم إن شاء الله



سير المكينة: 90 ريال



شبك أمامي 1120



صدام أمامي: 2590



صدام خلفي:2285



مراية جانبية يمين ويسار: 1650



باب أمامي يمين ويسار: 4410



والخلفي كذلك بـ 4410 أذكر واحد كان كاتب في المنتدى يقول حق الأكورد بـحدود الألفين بس مانيب متأكد



باب الشنطة 5125



كبوت: 5075



شبك جنب الرفوف يمين ويسار سوبر شارجر 510



العادي:265



رفرف أمامي يمين: 2135



رفرف أمامي يسار:2030





شمعة أمامي يمين يسار: 4300 !!!!



كشاف أمامي يمين يسار: 560



أسطب خلفي يمين يسار: 880



أتمنى أني أكون أفدتكم ولو بشيء بسيط



والي عنده معلومات عن قطع غيار السيارات لا يبخل علينا خلونا نفيد الجميع



وفجأة شكراً لكم





والسلام عليكم ورحمة الله وبركاته

اسعار معقوله مقارنة بتصنيف السياره ضمن الفئه الفارهه....

شمعة أمامي يمين يسار: 4300 !!!!

ترا سعر الشمعات معقول لأن الالتيما الزينون ب 3500 ريال للواحده !!

بس ليش ما سألت عن دودة الدركسون والدينمو حق الكهرب وكمبرسر المكيف والرديتر والهوب و الرمانات والمساعدت والكراسي حقتها وفلتر البنزين وفلتر زيت القير و البواجي والكويلات ؟؟؟؟

تراني مثلك فاضي على الصبح

^^
ياللـهـ حيهـ والحمد للـهـ عالسلامهـ..

=-=-=-=-=

يعطيك الف عافيهـ عالموضوع المفيد بصراحهـ..

والقطع غاليهـ نسبيا..!!

بس اللي بيشتري اكيد بيتحمل..

ولك كل الشكـر..

اف اف يعني لاقدر الله وجاه ضربه في الوجه يعتبر راعيه اعلن افلاسه

الله يحفظ الجميع من كل شر بالاخصيه اصحاب الرنج

مشكور يالغالي ع الاسعار ياخي دام انك فاضي ليش ما كلمتني انا بعد فاضي كان خاويتك <<يمون الاخو

الصراحة اسعار عادية ... لان اللي دفع في السيارة 300 الف وزيادة ... اكيد يقدر على كم من الف ..

تحياتي لك ..

المشاركة الأصلية كتبت بواسطة hisham202

اسعار معقوله مقارنة بتصنيف السياره ضمن الفئه الفارهه....

ترا سعر الشمعات معقول لأن الالتيما الزينون ب 3500 ريال للواحده !!

بس ليش ما سألت عن دودة الدركسون والدينمو حق الكهرب وكمبرسر المكيف والرديتر والهوب و الرمانات والمساعدت والكراسي حقتها وفلتر البنزين وفلتر زيت القير و البواجي والكويلات ؟؟؟؟

تراني مثلك فاضي على الصبح

هههههه ألتيما بـ 3500 تخيل أحطها في ألتيما لو أمشي بدون لمبات وأشيل في يدي كشف أبو 8 ريال

بس تبي الصراحة سؤالك مهم لوي سألت عن القطع الداخلية أحس أن سعرها بيضرب

بس شوف أنا جبت هذي وعليك أنت الباقي

المشاركة الأصلية كتبت بواسطة P R ! N S O

^^
ياللـهـ حيهـ والحمد للـهـ عالسلامهـ..

=-=-=-=-=

يعطيك الف عافيهـ عالموضوع المفيد بصراحهـ..

والقطع غاليهـ نسبيا..!!

بس اللي بيشتري اكيد بيتحمل..

ولك كل الشكـر..

الله يحييك ويسلمك ويعافيك

بس القطع أنا أحس أنها معقولة ميب غالية ولا رخيصة بس أقرب مالها غالية


ومشكور أخوي

المشاركة الأصلية كتبت بواسطة THE LORD OF THE ROAD

اف اف يعني لاقدر الله وجاه ضربه في الوجه يعتبر راعيه اعلن افلاسه

الله يحفظ الجميع من كل شر بالاخصيه اصحاب الرنج

مشكور يالغالي ع الاسعار ياخي دام انك فاضي ليش ما كلمتني انا بعد فاضي كان خاويتك <<يمون الاخو

تخيل عاد الله يكون في عونه خل نحسبها الكبوت بـ 5075 + شبك أمامي بـ1120+ صدام أمامي بـ2590= حوالي 9000 ريال!!!


بس ودي أنك مخاويني خوتك تشرى شرى الله لا يحرمنا منك

المشاركة الأصلية كتبت بواسطة هنشنش

الصراحة اسعار عادية ... لان اللي دفع في السيارة 300 الف وزيادة ... اكيد يقدر على كم من الف ..

تحياتي لك ..

ونسيت أقول سعر السبورت عادي بـ 280 ألف ريال يعني مثل ما قلت الي دفعها بيصبر على ما جاه منها

^
^
اذا انت من سكان الرياض وفاضي بكرا...تعال العصر للعماريه وشوف المقاومات

فعلا موضوعك جدا مفيد ويعطيك الف عافيه اخوي

يعطيك الف عافيه

موضوعك اوكي اهنيك
ومشكووووووووووووووووووووووووووووووور وماقصرت بصراحه قطه موغليه بس اسال عن قطع المكينه والعكوس والمقصات